18:21
Unknown
Turnipui chu vanah kaiin a chhingmit a len vel a,
Tlang leh mual hring hmunte chu an va mawi em!
Hrai tin ten a eng lawmin tual an chai a,
Chhim thlifim leh awihthiam huiva hramte chuan
A kuai ngei e lunglai vak velte khawvel chu.
Tuahpar rim leng velte fak hla zet zawng a ri a mawi teh e.
Chunnu leh zuapa duat hne kham zo lo hrai chu
A kûr nghian e tuangtuah an vullai chuan.
A sakhming a hrang lullo hrai dang tawnah,
A silhfen a hlim lo, a thinlung a lawm lo.
Run kaina chang lo hrai chan atan zawng a na lua e,
Hrai dang chûn tanga an changpan lai chuan.
A kut a thlir a, sum leh rohlu a awm lo;
A ke a thlir a, saruakin a lo awm si a maw?
A kâwng a tuai a, savun ni lovin tamnain a lo hreng a,
A ban a lek a, tisa a pan...
Sunday, 17 February 2013
Tuesday, 5 February 2013
KAR HLA DI :
Huiva leng
thiam iangin leng ve ila,
Ka fang ngei
ang ka di lenna tlang chu;
A tuan anti zawlkhuaah
ka di chu,
Murva leng
thiam iang thlawkin leng ila,
Hmar thlipui
pawh hrangin min nuai sela,
Ka fang ngei
ang ka di tuanna tlang chu;
Hnemloh lunglai
hnemna tlang ngei mai chu,
Chu tlang
ngei chu a ni, ka uai zo ta!
Hmanah
biahthu hlanin min tiam mahse,
A tawk zo lo
zankhua var nan chuan in;
A chhing lo’ng
e, a var ngei ang zan khua hi.
Sumpui
partirin thlem tin thlem mahse,
Rinawmin awm
tlat la min nghak zel in,
Biakbuk
darri chu a ri thuai dawn e.
© Dustin Sampler
(Petrarchan Sonnet. Rhyme Scheme – abba abba cde cde)...
