CARTOON LOOK-ALIKES IN FOOTBALL (PART-1) :

Tun tum chu football news ngawr ngawr nilo football kaihhnawh nisi, kan hlimpui em em tur, ‘cartoon look-alike’ tih thupui hmangin post kan rawn siam ve teh ang. A thupui ah hian ‘cartoon’ tih ka rawn dah kher a, mahse hei hian lem ziah chawp, rawng a chei mawi ho ringawt a huam lova Movies a kan hmuh thin mihring pangai ang chiah nilo ‘imaginary characters’ te pawh a huam tel vek a ni. Tin, an hmel leh pawnlam landan ringawt nilovin an nunchang leh chezia te pawh a huam tel bawk a ni.

Khawvel hi a zau teh reng nen, mihring lah kan tihtak nek lai hian phir takngial te pawh hian inanlohna lai engemaw tal chu anlo nei ve zel mai. Mahse, a tam a tam ta na na na chu inang tak tak chu kan lo tam khop mai. Inkhel kan en chang hian players kan la hmuh ngailoh emaw kan lo hmuh fo tawh te pawh, “khi pa chu chumi-khami kha a ang khop mai..” keimah angin inti ve fovin ka ring. A then chu cartoon/ movies kan enchangin an ‘characters’ te kan hmuh apiangin footballers an anpui te kan hrechhuak ve fo thin bawk. Tun tum ah hian Football khawvela a kan hriatlar tak tak te leh an anpui (nungchang/ hmel.etc) te ka rawn tarlang dawn a ni:

1. BRAD FRIEDEL & THE THING (FANTASTIC 4 ) : 

An lu a kawlh ve ve vang chauh a inang anni lova,
an pumrua mai bakah an chet zia hian inanna tam tak an nei a ni. An telna team ve ve ah a hnudawltu ve ve niin an hnathawh pawh a rorum dun hle bawk. Tin, an mitmeng hi a inang tih hi hai rual a nilo.

2. MALOUDA & PREDATOR : 

‘Predator’ film hi an en apiangin a chhung ten Malouda hi an hriatchhuah zawk thin ka ring.  A sam a seloh chuan an inang lutuk hran lo, mahse a sam an phiar ve chiah hian chhungte rilru a ti na ve thin ngawt in ka ring.

3. FRANK RIBERY & SLOTH (THE GOONIES) : 

Ribery hi inkhelh lo thiam talo pawh nise film lamah hian eizawnna ngialhnghet deuh chu a neih tho ka ring. A hmel a common lo ang bawk hian a nungchang a common lova hei hian ‘Sloth’ pawh hi a an zual tir niin ka hria.

4. CHRISTIANO RONALDO & ASTROBOY : 

Khawvel ah hian khawsa duhdah tak tak leh khawvel chen tak tak chu an tam khop mai, mahse ‘khawvel ngam’ tak tak erawh an tamlo khop mai. Anni pahnih hian khvael chu an ngam biai biai khop mai. Football hi Cartoon series ang chu nive se chuan Ronaldo pawh hi Astroboy ang tho hian a thlawk thie ve ngei ang. An hmel ah inanna tam tak an nei a, an awmna mual ve ve ah ‘superpowers’ an nei ve ve a, a ‘ber’ anni ve ve bawk.

5. RAFAEL BENITEZ & AL THE TOY COLLECTOR : 

Pakhat zawk hian 'toys' a collect thin a, pakhat zawk hian a kal na apiangah 'footballer-toys' a collect thin thung. an hmuihmul leh khabehmul, an haistyle, leh an nuih dan thleng hian an inang chiah a ni. A tu zawk hi ‘tu’ model nge nia, tu zawkin nge entawn tih chu a chhiartute ngaihtuah ah ka dah mai teh ang.

( to be continue….)

Posted in: Football,Infiamna Khawvel,Mizo