CARTOON LOOK-ALIKES IN FOOTBALL (PART-2) :

Part-1 ah khan ka lo sawi tawh angin khawvel ah hian mi/thil inang deuh deuh hi tam tak an awm a, chung zingah chuan Football khawvela kan hriatlar tak tak te pawh hi an tel ve a ni.

Ka tetlai chuan ka u nen hian mi hian min hriatpawlh ziah mai a (kei chuan kan inanna pawh ka hre lemlo), an duh hun hun hian ka hming an thlak leh ringawt thin, a eih loh theih bawk silova a thinrimthlak duh thei khop mai. Tun tuma ka rawn tarlan te pawh hi anmahni chuan hria se an thinrim pawh a ni mahna, anni chuan inang pawh an inti kherlo mai thei. Mahse, kan anpui zawng reng reng hian mi hi khawsa ta se kei nuam kati fe zawk in ka ring. Chuvangin an fans te kanlo awm a nih chuan a lawmawm lamah I ngai zawk teh ang u.

6. MAROUANE FELLAINI & SIDESHOW BOB (THE SIMPSON) :  

Puitling pui pui catoon en peih deuh hi kei pawh in ka hre nual a nia. Vanlalsailova a rawn lar chhoh tan vel lai khan ‘footballers’ emaw ‘ler’ lo deuh te pawh sam ‘spike’ an tam thei khop mai. Fellaini pawh hi ‘The Simpson’ ngainatu a nih vang te pawh a niange ‘Sampardi-a II’
tia nuchang hovin an loh thin ni. Tin, Chelsea defender David Luiz pawh hian a ang kher mai. 

7. CARLOS TEVEZ & THE INCREDIBLE HULK : 

Kan thianpa pakhat hi nula hovin ‘The Incredible Hulk’ anti thin a, a thin a rim khop mai. “A thinrim chuan a hring thei a nia hlau ru,” kanti fiam thin a, a inringlo ho chu an thu leh dawp thin. Tevez a hi field chhungah chuan a fingin a thluak a hmang thiam hle tih chu kan hre theuh anga, mahse, a khawsak dan en hian ani pawh hi a thinrim chuan a hring thin a ni. A mingeina a, ‘thaduhhauhlo te’ Bible in a tih ang deuh hi a ni. Hulk pawh hi tiang mize nei tho hi a ni. Tin, an hmaifang, an hmel hrim hrim pawh hi a inang hle a ni.

8. GARETH BALE & DONKEY KONG : 

‘Evolutionary Theory’ ring duhlo tute tan pawh zam ngawih ngawih theih na tur tur khop hial in Gareth Bale hian zawng hmelhmang a pu a ni. Tu huatthu nilo sela, Scientist ho hian a ni hi Experiment tih nan an duh viau in ka ring. An mitmeng, an hmui, beng leh luum hrim hrim hi a inang hle a ni.

9. WAYNE ROONEY & THE SHREK :

Wesite pakhat chuan Rooney leh The Shrek te hi, ‘The most famous look-alike ever’ tiin a sawi hial a ni. A lar na chhan pakhat nia lang chu Twitter a ‘Kai Wayne Rooney’ in a Twitter picture a ‘The Shrek’ lem a hmang kha a ni. Rooney hi Shrek film chhuak leh tur ah chuan a changtupa ah a hman thei tawh maiin a lang.

10. DOUBLE DELIGHT ( DAVID MOYES, MIKE RILEY & SQUIDWARD, SPONGEBOB ) : 

BPL referee lar tak Mike Riley leh Squidward (Spongebob Squarepants) inan zia hi chu kan hre theuh awm e. Mahse, he thlalak hian Riley chauh hian Spongebob changtute a ang bik lo tih a tarlang chiang hle. Manager menrum tak hian an alo nei ve reng mai. Riley hnen a a thu complain lai chu Spongebob film ah a anpui alo awm reng mai!!

(to be cont….)

Posted in: Football,Infiamna Khawvel,Mizo