NANG

Mit khap kâr leka ral tur mah ni se,

chu aia thlan tur ka nei chuang em ni?
Hrilhhai-mangangin min liamsan dawn la,
mittui nen min hnungchhawn dawn mah la,
nang aia thlan tur tunge ka neih chuan ang?

Hriat reng tur NI KHAT min pein,
dâwn kîr turin vawi khat chauh pawh min fâwp ni la,
chu aia thlan tur dang ka nei lo vang.

Hringnun hian Tahna ruâmah min dahin
neksâwr turin min vai liam mah se,
ka lungngaih chhan erawh NANG i nih chuan
dam hian man a nei ngei ang.

I lakah eng ka beisei lo va,
malsawm nih ka châk hek lo;
mah se, hei erawh ka thlahlel thin –
ka nuna NANG i awm ve hi!

Read more »