TUNGE MIHAUSA CHU????

Tunah hian Khawvela mihausa ber hi lo nita thut ila chuan tuna ka hmilna leh lawmna hmuhsitawm tak te hi hmuh phak ah awm tawh lovin lawmna thar, manto leh changkang tak ten min hual vel anga, tun ai hian thian, laina leh min neltu, min hmangaih em em tu ka ngah phah bawk ang. Ka nunhlui ka thlirkir changin ka nuih aza thin ngei in ka ring a, hmana za em em a min ti nui thin te khan min ti nui zo tawh lovang a (min ti nui a nih pawh in hmuhsitna a tel ngei ang), ka nuih man a to telh telh ang a, Mahse ka hlim nan erawh a man ka pek tam a ngai ngei ang. 

Ka hlimna chu ka thinglungah nilovin ka sum leh thil neih ah te an awm anga, ka duh leh tha ka tih apiang ka neih theih avangin khawvel hi ka tan a zim telh telh thung ang.
Ka duhthusam zawng zawng, ka mawi tih leh nalh tih zawng zawngte neitu ka nih tawh avangin beisei tur nei tawhlo ka nih phah dawn hauh silo!! Ka phakloh ban tumin ka nitin hun ka hmang thin anga, ka la neih veloh ni a ka hriat te neih tum reng rengin ka hun ka hmang thin ngei ang. Thil tha tingreng nei mah ila ka ban phakloh leh ka theihna in a tlin loh chin a thlen avangin MIRETHEI TE NEN A TEHKHIN KALO NI ZAWK ANG!!

DUHBER LEH BEISEI NEI PHAKLO TEHI MIRETHEI A KAN CHHIAR THIN A NIH PHOT CHUAN MIHAUSA TIA KAN SAWI TEHI KHAWVEL A MIRETHEI BER TE AN LO NI RENG MAI. 'LUNGAWINA' HI MI HAUSA NIH I DUH CHUAN I NUN AH THUPUI BER AH LO HMANG THIN ANG CHE...

Posted in: Hringnun Darthlalang,Mizo,Morale